Paggugunam-gunam...

• • • ---------------------------------------------- • • •

♥ halika't sabay nating lisanin
itong mundong saplot sa dilim
humawak ka lang sa aking mga kamay
at 'wag kang bibitiw
tara na, samahan mo akong lumipad
lumipad papunta sa mga bituin ng ating pangarap
di alintana ang mga tudyo ng mundo
ikaw at ako, tayong dalawa lang ang nandito
lalayo tayo at lalaya
sasabay sa bawat indayog ng ating mga nadarama

♥ nilibot ko ang mundo
mahanap lamang ang bgiti mo
na kasing tingkad at liwanag
ng talang kumikinang
mga tinig lang ng pag-ibig
ang tanging naririnig
mga salita lamang na matatamis
ang kumakawala sa ating mga labi

♥ aalis na ako aking giliw
lilimutin na kita
susubukang burahin ang lahat
ng iyong mga matatamis na alaala

wala rin namang saysay
kung mananatili pa ako
paghihikahos lang ang matatamo
kapag ikaw ang kapiling ko

• • • ---------------------------------------------- • • •